السبت، 30 مايو 2015

إستحمام السلحفاة البرية

إستحمام السلحفاة البرية
حموا السلاحف على الأقل مرتين فى الاسبوع هنخليها ثلاثاء و جمعة
و ممكن فى ايام الحر الشديد تنقعوها فى ميه فاترة مش غويطة ، وقت أد أية ؟ لغاية اما تلاقيها عايزة تخرج


قياس طول السلحفاة البرية

عايزتعرف سلحفتك طولها اية ؟
هتحط ورقة على الارض و عمودية على الحائط و تحط فوقيها السلحفة وشها ناحية الحائط و راسها تكون جوة طبعا و لازم الصدفة من قدام تلمس الحائط ، و تعمل علامة عند نهاية الصدفة و تقيس المسافة من طرف الورقة (اللى كان عندة الراس) لغاية العلامة ، هو دة طول السلحفة بتاعتك




التهرم فى السلاحف البرية pyramiding

التهرم pyramiding هو النمو التصاعدي المفرط للحراشيف الخاصة بالصدفة العلوية و الذي يتسبب في ان كل جزء يبدأ فى البروز لأعلى على شكل يشبه الهرم.
====================
ما الذي يسبب pyramiding التهرم ؟|
====================
أظهرت الدراسات ان انخفاض نسبة الرطوبة قد تكون عاملا مهما جدا في تطور التهرم pyramiding في السلاحف حتى بالنسبة للسلاحف التى تعيش فى المناطق القاحلة و النصف قاحلة بالاضافة الى العديد من العوامل الأخرى التي تساهم في تهرم شكل صدفة السلحفاة مثل :
===================
=التغذية الزائدة عن الحاجة
=البروتين الزائد في النظام الغذائي
=الدهون الزائدة في النظام الغذائي
=اختلال توازن الكالسيوم والفوسفور و هذا يحدث بسبب كثرة تناول الخس لعدم توازن الكالسيوم و الفوسفور فيه
=قلة المجهود البدنى للسلحفاة مثل السلاحف المحتجزة فى اماكن ضيقة
=الوراثة
=تأثيرات البيئة مثل درجات الحرارة الغير مناسبة ، وعدم كفاية كمية المياه، وعدم وجود الأشعة فوق البنفسجية، والإضاءة التي ليست مشرقة بما فيه الكفاية
=================
تأثير التهرم على السلاحف
==================
و التهرم مشكلتة أخطر من انه بيغير شكل السلحفاة ، حيث انه من الممكن ان يتداخل مع النمو الطبيعى للرئتين تحت الصدفة و من الممكن ان يسبب مشاكل للاناث و لا تستطيع ان تبيض و من الممكن يمنع التزاوج بين الذكر و الانثى بسبب ارتفاع صدفة الانثى الشديد ومن الممكن ان يسبب شلل للسلحفة لو أثر على الحبل الشوكى لأنه تحت الصدفة مباشرة

الجمعة، 15 مايو 2015

أهمية لمبات UV للسلاحف البرية

لازم نفهم موضوع لمبات الاشعة فوق البنفسجية مهم لية للسلاحف
======================================
ضوء الأشعة الفوق بنفسجية ، بيتكون من 3 موجات أشعة ضوئية UVB & UVA & UVC ال UVC دة ضار للسلاحف و بيسبب لهم سرطان كمان و دة بيبقى موجود فى الطبيعة عادى عشان كدة السلاحف مبتستحملش تقعد فى الشمس كتير و بتدور بعد شوية على مكان ظل لانها متقدرش تتعرض لل AUC كتير ، لكن لما بتعمل صندوق داخل المنزل بيعملوا لمبات UVB و UVA بس عشان متبقاش خطر على السلاحف ، و مع التطور بقوا يحطوا اللمبتين فى لمبة واحدة ، دة غير اللمبات الحرارية اللى هى بتبقى غالبا لمبات سيراميك مش بتطلع إضاءة ، و كمان دلوقتى بقت لمبة واحدة UVB & UVA و حرارة كمان مع ثيرموستات و السلاحف بتحتاج ال UVB & UVA لأن لها تأثير مهم جداً لفتح الشهية و النشاط و ليها أهمية فى خصوبة الذكور و الاناث و قدتهم على انتاج البيض و كمان أهم حاجة انها بتمكن السلاحف انها تقدر تنتج فيتامين D3 داخل الجسم ، و الفيتامين دة مهم لسلامة نمو العظام و الصدفة و كمان للمناعه بتاعة السلاحف و مقاومتها للأمراض   ، و المشكلة كمان ان الزجاج العادى بيفلتر الأشعة ال UVB & UVA يعنى لو الشمس بتدخل الصندوق من وراء زجاج مش هيكون فيها UVB & UVA
طالما معندناش اللمبات دى يبقى السلاحف لازم تقعد فى الشمس
...... و دى اللمبة اللى بتنتج نوعين الاشعة مع الحرارة http://www.amazon.co.uk/Reptile-Tortoise-Full-Spectrum-screw/dp/B003N41RRA

صوت ذكر السلحفاة المصرية

السلحفاة المصرية

ما هو الفرق بين السلحفاة اليونانية و السلحفاة المصرية
السلحفتين من سلاحف البحر الابيض المتوسط ، او سلاحف العالم القديم
و هنخلى البوست دة عن السلاحف المصرية ، و هنعمل بوست تانى عن السلحفاة اليونانية
السلحفاة المصرية :
===============
اسمها العلمى testudo kleinmanni و موطنها الاصلى فى المنطقة من وسط شمال ليبيا الى فلسطين مروراً بمصر طبعاً ، و تم تصنيفها و تسجيلها لأول مرة فى مصر و تم تسميتها بالسلحفاة المصرية egyptian tortoise و السلحفاة المصرية حالياً إحدى أكثر السلاحف البرية المهددة بخطر الانقراض على مستوى العالم. ففي مصر بات النوع منقرضاً تقريباً، وفي ليبيا يعاني تناقصاً حاداً بسبب استمرار الصيد لأجل التجارة، وأما في الاراضى المحتلة فإنَّه محميٌّ جيداً إلا إنه لا يقطن سوى منطقة صغيرةً وعددها قليل .
الوصف :
______
تعد السلحفاة المصرية أصغر سلحفاة برية في نصف الكرة الأرضية الشمالي،كما وأنها ثاني أصغر سلحفاةٍ بريةٍ في العالم بعد السحلفاة الرَّقطاء في جنوب أفريقيا ، إذ لا يتعدى طولها 10 سنتيمتراتٍ إلى 15 سنتيمتراً. ( دة كلام الكتب بس انا كان عندى أنثى طولها 17 سم زمان ) يبلغ طول أصداف الإناث بالمتوسّط 14.4 سم، ووزن السلحفاة نحو 300 إلى 350 جراماً، وأما الذكور فطولها 10.2 سم ووزنها 160 إلى 250 جراماً. وتمتاز الذكور عن الإناث - إضافةً إلى الحجم - بأن أصدافها أقلُّ عرضاً وذيولها أكثر طولاً. تتميَّز أصداف السلاحف المصرية بكونها عالية الارتفاع ، وعادةً ما يتراوح لونها من العاجيّ إلى الذهبي الباهت والبنيّ المسود أو الأصفر الخفيف، كما توجد خطوط سوداء على حوافّها في الفراغات التي بين نتوءات الصدفة، وأما جسد السلحفاة فيتراوح لونه من العاجي المصفَرّ الباهت للغاية إلى البني المصفر. و فى منطقة الصديرى و هو بطن السلحفاة تتميز بوجود علامات على شكل يشبة المثلث على جانبى البطن ، تساعد السلحفاة المصرية ألوان صدفتها هذه على تجنُّب شدة حرارة النهار في الصحراء، كما توفّر لها قدراً جيداً من التمويه في بيئتها الطبيية. وبصورةٍ عامة، فإن ألوان الصدفة تتناسب مع المنطقة الجغرافية التي تقطنها السلحفاة، ففي المناطق الصحراوية تكون ألوانها فاتحةً لصدّ أكبر قدرٍ من أشعة الشمس، وأما في المناطق الأقل حرارة - مثل الجبل الأخضر شرق ليبيا حيث يوجد غطاء نباتيّ جيد - فإن ألوانها تكون قاتمة .
السلوك :
______
غالباً ما تنشط السلحفاة المصرية خلال الأوقات الدافئة من السنة، فيما تفقد نشاطها خلال الفترات شديدة البرودة أو الحرارة. في الشهور الباردة تنشط السلحفاة خلال منتصف النهار، وأما في الشهور الحارَّة فإنَّها تنشط في الصَّباح الباكر أو بعد الظهر. وفي غير فترات نشاطها تلجأ للتواري تحت الشجيرات أو داخل الجحور ، و لا تقوم السلحفاة المصرية بعمل بيات شتوى بل تتميز بانها تلجأ الى ما يعرف بالخمول الصيفى ، و يتم تزاوج السلاحف المصرية فى بداية الربيع و تبيض فى الصيف من 3 الى 5 بيضات تفقس على بداية الخريف .يطارد الذكر الأنثى عند التزاوج، ومن أكثر طقوس الزواج تميزاً عندها إصدار الذكر نداءً صوتياً غريباً لا تشابهه فيه أي سلحفاة متوسطية أخرى.
التربية فى الأسر :
______________
يجب توفير صندوق ذو مساحة مناسبة للزوج بحيث يكون حوالى 120 سم فى 60 سم بارتفاع 35 سم ، و يتم فرش الصندوق بالرمل و البيتموس ( التربة الصناعية) و توفير اناء واسع لشرب الماء و اناء للأكل ، مع العديد من أماكن الاختباء من الشمس . و توفيررالتغذية المناسبة لها من أعشاب و خضروات ورقية سبق ذكرها من قبل .
الأخطار و التهديدات :
________________
تعد السلحفاة المصرية حالياً إحدى أكثر السلاحف البرية المهددة بخطر الانقراض على مستوى العالم. ففي مصر بات النوع منقرضاً تقريباً، وفي ليبيا يعاني تناقصاً حاداً بسبب استمرار الصيد لأجل التجارة، وأما في إسرائيل فإنَّه محميٌّ جيداً إلا إنه لا يقطن سوى منطقة صغيرةً وعدده قليل. في الوقت الحالي، يصنف الاتحاد العالمي للحفاظ على الطبيعة النوع على القائمة الحمراء كنوعٍ معرَّضٍ لخطر الانقراض بشدة، وهي أعلى درجات المقياس قبل الانقراض في البرية. وفي ما سبق كانت السلحفاة تُصنَّف نوعاً غير مُحصَّنٍ ثمَّ نوعاً معرضاً لخطر الانقراض (الدرجة الأدنى مباشرةً على القائمة الحمراء)، إلا إنَّ استمرار انحدار أعدادها إضافةً إلى بدء اتّجاه جديدٍ لدى بعض المصنفين لاعتبار جماعاتها في سيناء وصحراء النقب نوعاً مستقلاً، قد أدى إلى رفع تصنيف إلى "معرض للانقراض بشدة". كانت السلحفاة في منتصف القرن العشرين وبحسب أقصى ما يُعرَف عن تاريخها من معلومات، تقطن نطاقاً جغرافياً قُدّر بمساحة 123,610 كيلومتراً مربعاً، لكن الآن انخفضت هذه المساحة إلى 16,600 كم2 فحسب، وأما عددها فقد انخفض بنسبة 85% من 55,600 سلحفاةٍ إلى 7,470. على هذه الحال، قد تنقرض السلحفاة المصرية تماماً خلال 20 عاماً فحسب .





انقلاب السلاحف على ظهرها

سمعنا كتير عن سلاحف بتتقلب على ظهرها ، و سمعنا كمان ان دة خطر و ان السلحفة ممكن تموت للسبب دة.

طب ليه السلحفة بتتقلب على ظهرها أساساً و ليه بتموت من الموضوع دة ، و نمنعه إزاى ؟
في البرية إذا انقلبت السلحفاة على ظهرها  فإنها تموت بالتأكيد. مع العلم بانه ليس من طبيعة الحيوانات أن تضع نفسها في مواقف محفوفة بالمخاطر و التي قد تعرضها للموت .
و مع ذلك دائماً ما نسمع عن السلاحف التى تنقلب على ظهرها داخل المنازل و خارجها ، و هذا يحدث لعدة أسباب :
1 - السلاحف تحب جداً التسلق فكثيراً ما تحاول تسلق اى شئ يمكن تسلقة فتفقد توازنها و تسقط
2 - الكلاب المتواجدة مع السلاحف كثيرا ما تكون هى السبب فى انقلاب السلاحف
3 - الأطفال التى تلعب بالسلاحف و تلقيها على ظهرها و تتركها لتلعب بشئ أخر
4 - المعارك بين الذكور و الذكور - بين الإناث و الإناث - و أحياناً بين الإناث و الذكور
ماذا يحدث للسلحفة عندما تنقلب على ظهرها ؟
=============================
و مش من الطبيعي للسلحفاة أن تكون على ظهرها. وبصرف النظر عن عدم الراحة النفسية كونها رأسا على عقب لفترات طويلة، وهناك عدد من الأسباب الفسيولوجية  توضح الضرر الذى يقع على السلاحف .
لماذا يكون هذا الوضع مميتاً للسلاحف ؟
-------------------------
أولاً : السلاحف لها مساحة واسعة للرئة و كيس هوائى كبير أعلى الصدفة و عندما تنقلب السلحفاة على ظهرها فإن الكبد و الأمعاء و المعدة يصبحون فى وضع ضغط اعلى منطقة الرئة و يضغطون عليها فلا تستطيع التنفس جيداً و بالتالى تعانى من عدم القدرة على التنفس بكفاءة
ثانياً: السلاحف فى هذا الوضع تصبح معرضة للقئ نتيجة لانقلاب المعدة و الأمعاء و الوضع الغير سليم و نتيجة لعدم قدرتها على التنفس الجيد فهى تتنفس بمعدلات أسرع محاولة الحصول على قدر مناسب من الهواء فى نفس الوقت ، و هذا يؤدى الى دخول سوائل القئ داخل الرئة و يسبب موتها
ثالثاً: بسبب الوضع الغريب دة ممكن يحصل ان امعاء السلحفاة تلتف على نفسها و تعمل انسداد معوى و هتموت السلحفاة أكيد بسبب الحالة دى .
رابعا ً : السلحفةبتكون مرعوبة و بتفقد السيطرة على عضلات المثانة و الشرج و بتخرج فضلاتها من بول و براز و ممكن تتقيأ كمان زى ما قلنا قبل كدة ، طيب دة يأثر عليها إزاى ؟ هيجيبلها جفاف و تموت برضة و يكون بسرعة أكتر لو مقلوبة على ظهرها فى الشمس
خامساً : لو السلحفة فى مكان مفتوح ممكن حشرات مثل الذباب تيجى و تبيض فى فمها و شرجها لان الفضات اللى بتخرجها بتجذبهم ، و ممكن اليرقات بتاعة الحشرات دى ممكن تقتلها بعد كدة لو نجيت من المشكلة دى .
===========================
طيب تموت بعد وقت أد أية ؟ ، دة يتوقف على عوامل كتير 
صحة الحيوان ، مقلوبة فى الشمس و لا فى الظل ، درجة حرارة اليوم ، كانت لسة واكله و لا لأ .. و حاجات تانية
============================

طب نعمل اية لو لحقناها ؟ لو  لقيناها كدة ، أهم حاجة اننا نشربها مية و نحميها و ندفيها ، و لو لقينا عندها اعراض مرضية بعد كدة يبقى لازم تروح للدكتور بسرعة
============================
طب نمنعها ازاى ، مش هنحط حاجات لما تتسلقها يكون فى احتمال انها تتقلب ، و مش هنسيب الكلاب و الأطفال يلعبوا بيها ، و مش هنسيب الذكور مع بعض يتخانقوا فى مكان واحد
و الأهم بقى اننا نحط سلحفتين من جنسين مختلفين مع بعض (ذكر و انثى ) و يكونوا متوافقين مع بعض لان السلاحف بتعرف تعدل بعضها لما تتقلب على ظهرها


صندوق للسلحفاة البرية

الموضوع دة هيكون عن الصندوق الخاص بالسلحفاة البرية
=================================
اولاً : لازم نعرف لية نعمل صندوق للسلاحف أصلاً ؟
1- حماية السلاحف : لو داخل المنزل بتحميها من ان حد يدوس عليها، أو ان طفل يلعب بيها كورة ، أو ان حد يفتح باب او يقفل باب و يزنقها فى الباب و يعورها او يكسرلها أيد أو رجل ، و لو خارج المنزل فأنت بتحميها من تقلبات الجو و الشمس و البرد و القوارض و الطيور الجارحة .
2 - سهولة التنظيف و العناية : السلحفة لما بتكون سايبة على الارض فى اى حتة طبعاً بتخرج فضلاتها فى اى مكان و هى كائن لم يعرف عنه انه يمكن تدريبه مثل القطط و الكلاب على الاخراج فى مكان معين ، يبقى ممكن تلاقى فضلاتها فى اى مكان على السيراميك على السجاجيد فى الصالون فى حجرة النوم فى الصالة ، او حتى فى البلكونة و برضة غير مقبول انك تدخل البلكونة و انت بتتحاول تتفادى انك تدوس فى مخلفات السلحفاة ، دة غير التعب فى عملية التنظيف وراها .
3 - بيئة مناسبة لوضع البيض ، و تختار السلحفاة المكان المناسب لوضع البيض بعد اختبارة اكتر من مرة .
مواصفات الصندوق و محتوياتة :
==================
* المقاس لزوج من سلاحف البحر الابيض المتوسط (يونانى - مصرى) : 120 سم طول * 60 سم عرض * 40 سم إرتفاع من خشب الكونتر او الابلكاش و يفضل الكونتر
* مكان المبيت يقتطع جزء من طول الصندوق حوالى 30 سم و يتم تقفيلة كمأوى للسلاحف و لة باب مفتوح على الجزء المتبقى (90سم) و هذا الجزء لمبيت السلاحف و لإختباءها عند الشعور بالخطر و كذلك للإختباء من الشمس المباشرة بعد أن تأخذ احتياجاتها من الشمس و الا اصيبت السلحفاة بالجفاف من كثرة التعرض للشمس و قد تموت .
* فرش الأرضية (رمل و بيتموس ) بنسبة 2 رمل الى 1 بيتموس ، و ممكن تتساوى الكميتين لكن لا يزيد البيتموس عن الرمل ، و فائدة البيتموس هو الاحتفاظ بقدر من الرطوبة فى التربة و هى هامة جداً للسلاحف ، و يمكن زراعة بعض الصبارات الغير ضارة فى البيتموس ، و ارتفاع فرش الارضية يجب ان يكون فى حدود 15 سم .
*وعاء للشرب يكون ثقيل لكى لا ينقلب بسهولة و حوافة غير عالية لكى تستطيع السلاحف الشرب منه .
* وعاء للأكل
* غطاء سلك
*لمبة UVB لتوفير الاشعة فوق البنفسجية للتعويض عن أشعة الشمس و ذلك للصندوق الموضوع داخل المنزل .
*سخان حرارى و ثرموستات لضبط درجة الحرارة و خصوصاً فى الشتاء .
*عند وضع الصندوق فى البلكونة يجب مراعاة ان يكون مكان تصلة الشمس المباشرة لبعض الوقت لتمكين السلاحف من أخذ حمام الشمس اليومى





الخميس، 14 مايو 2015

تغذية السلاحف البرية

تغذية السلاحف البرية 
===================
غذاء السلاحف يتكون من غذاء عالى الألياف عالى الكالسيوم قليل الكربوهيدرات قليل الدهون بدون بروتين ، دة موجود فين ؟ طب ربنا خلقها بتعيش فين ؟ طب المكان اللى ربنا خلقها بتعيش فية دة ايه الأغذية المتوفرة فيه ؟ لما نجاوب هنعرف لية غذاء السلاحف مينفعش يعتمد على الخس و الخيار لان البيئة الاصلية للسلحفاة مفيهاش الاصناف دى اساسا ، و لأن الاصناف دى متنطبقش عليها المواصفات المطلوبة لأنها مش عالية فى الكالسيوم و الالياف بالقدر الكافى اللى محتاجاة السلحفة ، فى حاجة اسمها جداول تحليل الأطعمة دى هتلاقى فيها ان كل الأطعمة اللى خلقها ربنا فيها ألياف و كالسيوم لكن الكميات بتفرق مش معنى انى الاقى 0.01 ملجم كالسيوم/ 100 جم فى حاجة أقول دى فيها كالسيوم ، لأ طبعا ، لأن فية انواع تانية فيها 0.2 ملجم / 100 جرام . هى دى الفكرة ، ييجى واحد يقولك السلحفة بتاعتى بقالها 5 سنين عايشة ع الخس و زى الفل ، طيب قارنتها بطول و وزن بسلحفة تانية بتاكل أكل مختلف ؟ لأ . طيب سلحفتك باضت و جابت من 5- 8 بيضات فى الموسم ؟ لأ برضة . طيب سلحفتك شكل الصدفة بتاعها اية .. ورينى كدة ؟ الاقيها فيها تهرم ومقشرة و حالة السلحفة العامة مش حلوة ، عينيها مش بتلمع اظافرها مش قوية
المسموح تناولة :
=============
 الخس و الخيار لا يجب ان يمثلوا اكثر من 15 % من غذاء السلاحف ، و ال85 % الأخرى هى البرسيم المصرى (clover )  و سريس و جعديد و خرشوف  و ورق عنب و ورق توت و جرجير و ورد و ورق الذرة الاخضر و ورق القمح الأخضر  و انواع من الصبارات و اوراق التين الشوكى، مع مصدر إضافى للكالسيوم ، لأن البيئة اللى بتعيش فيها السلحفاة ارضها غنية جداً بالكالسيوم و دة حال أغلب الصحارى ، فبالتالى الأكل اللى بتاكلة هناك فية كالسيوم أكتر من اللى بتاكله عندك ، و دى حقيقة تغذوية معروفة ان نوع الغذاء بيتأثر بنوع و كمية  العناصر اللى موجودة فى الأرض و بالتالى العناصر دى بتزيد او بتنقص فى الأكل حسب تواجدها فى التربة . طب نجيب كالسيوم منين ؟ من عند اى محل بيبيع طيور زينة هتقوله عايز عظام الحبار (السيبيا) و تحط قدامهم قطعة يقرقشوا فيها .
كل اللى فات دة من غير حمام شمس يومى و ميه نظيفة للشرب مالهوش لازمة


=============
الممنوع تناولة :
=============
الباذنجان - القرع - الكوسه - الفول - الفاصوليا - البسله - الكرنب - القنبيط - البصل - الثوم - الثوم المعمر - البرتقال - اليوسفى - الليمون - المانجو - الجريب فروت - الفراولة - الرمان - البطاطس - السبانخ - البطاطا - الطماطم - الفلفل الحامى ( و يفضل منع الرومى أيضاً ) - الكرفس - السلق - البقدونس - الكزبرة - البروكلى - الجزر  - و غيره كتير ، لذا نرجو السؤال أولا قبل تقديم اى طعام جديد
==========================
 طيب لو فرضنا انك عجبك الكلام و حبيت تنفذ ، و السلحفة راسها ناشفة و غضبانة ع الأكل الجديد ... تعمل اية ؟؟
__________________________________

اول حاجة لازم تبقى قوي و مترجعش فى كلامك ، لو السلحفة مرضيتش برضة و قعدت يومين متاكلش فى اليوم التالت حط الأكل القديم بتاعها و معاه الأكل الجديد بس كمية صغيرة و قطعه بالسكينة كله قطع صفيرة و بله بشوية ميه و قلبة كويس فى بعضة ، و كل يوم تزود الاكل الجديد عن القديم ، و لو هى من اللى بيحبوا الخيار ممكن تعصر الخيار و تحط عصيرة على الأكل لان هى بتعتمد على حاسة الشم فهتشم الخيار هتطمئن و تاكل ، و يوم ورا يوم هتتعود على النظام الجديد